♥श्री राधा वृन्दावनबिहारी♥

क्यों अब दुरतहो प्रकट भये । काहूके नयन उनीदे निकसे मानों, शर सजे अरुण नये ॥ १ ॥ यावक भाल राग रस लोचन, मशी रेखा जिहि अधर दये । वलय पीठ नितंब चरणमणि, बिनगुण हारजु कंठ चये ॥ २ ॥ भुज ताटंक ग्रीव वदनचिन्ह, कपोल दशन धसये । आलिंगन चुंबन कुच चरचत, मानों दोऊ शशि उर उदये ॥ ३ ॥ चरण शिथिल अरु चाल डगमगी, घूमत घायलसे समर जये । शोभित है सब अंग अरुण अति, स्यामा नख सायुज्य दये ॥ ४ ॥ राजत बसन नील अरु राते, आतुर मानों पलट लये । सूरदास प्रभुको मन मान्यों, सुंदरस्याम जु कुटिल भये ॥ ५ ॥

Теги:

Krishna radha

Оцените это изображение:

• Создать электронную карточку

Краткая ссылка на эту страницу:

• Сообщить о нежелательном содержании