❤️श्री श्यामा कुंजबिहारी ललिता विशाखा❤️

नवम विलास कियौ जू लडैती, नवधा भक्त बुलाये । अपने अपने सिंगार सबै सज, बहु उपहार लिवाये ।। 1 ।। सब स्यामा जुर चलीं रंगभीनी, ज्यों करिणी घनघोरें । ज्यों सरिता जल कूल छांडिकें, उठत प्रवाह हिलोरें ।। 2 ।। बंसीवट संकेत सघन बन, कामकला दरसाये । मोहन मूरति वेणुमुकुट मणि, कुंडल तिमिर नसाये ।। 3 ।। काछनी कटि तट पीत पिछौरी, पग नूपुर झनकार करें । कंकण वलय हार मणि मुक्ता, तीनग्राम स्वर भेद भरें ।। 4 ।। सब सखियन अवलोक स्याम छबि, अपनौ सर्वसु वारें । कुंजद्वार बैठे पियप्यारी, अद्भुतरूप निहारें ।। 5 ।। पूआ खोवा मिठाई मेवा, नवधा भोजन आनें । तहाँ सतकार कियौ पुरुषोत्तम, अपनों जन्मफल मानें ।। 6 ।। भोग सराय अचबाय बीरा धर, निरांजन उतारे । जयजय शब्द होत तिहुँपुरमें, गुरुजन लाज निवारे ।। 7 ।। सघनकुंज रसपुंज अलि गुंजत, कुसुमन सेज सँवारी । रतिरण सुभट जुरे पिय प्यारी, कामवेदना टारी ।। 8 ।। नवरस रास बिलास हुलास, ब्रजयुवतिन मिल कीने । श्रीवल्लभ चरण कमल कृपातें, रसिक दास रस पीने ।। 9 ।।

Теги:

Krishna radha

Оцените это изображение:

• Создать электронную карточку

Краткая ссылка на эту страницу:

• Сообщить о нежелательном содержании