❤️श्री राधा वृन्दावनबिहारी❤️

फूलनकी मंडली, मनोहर, बैठे जहां, रसिक गिरिधारी । जाई जुई ओर कुंद, केतकि रायवेलि सो, सरस संवारी ॥ १ ॥ चंपक बकुल गुलाब निवारी, विविध भांत, कीनी चित्रसारी । बैठी तहां, रसिकनी राधा, फूलनकी पहेरें, तन सारी ॥ २ ॥ वरणवरण, फूलनके आभूषण, फूलनपाग बनी, अतिभारी । गोविंदप्रभु फूले, अति शोभित, निरख फूली, वृषभान दुलारी ॥ ३ ॥♥ आछे बने देखो मदनगोपाल । बहुत फूल फूले नंदनंदन, तुमकों गूथोंगी माल ॥ १ ॥ आय बैठो तरुवरकी छैंया, अंबुज नयन विशाल । नेंक वियार करो अंचलकी, पाय पलोटोंगी लाल ॥ २ ॥ आछे तब राधा माधव सों, बोलत वचन रसाल । परमानंदप्रभु यहां आय हो, ब्रज तज ओर न चाल ॥ ३ ॥

Теги:

Krishna radha

Оцените это изображение:

• Создать электронную карточку

Краткая ссылка на эту страницу:

• Сообщить о нежелательном содержании