♥श्री राधे कृष्ण♥

करत हरि नृत्य नवरंग राधा संग, लेत नवगति भेद, चरचरी तालके । परस्पर दरस रसमत्त भये तत्त थेई थेई, गति लेत संगीत सुरसालके ॥ फरहरत बर्हिवर थरहरत उपहार, भरहरत भ्रमर वर, विमल वनमालके । खसित सित कुसुम शिर, हँसत कुंतल मानों, लसत कल झलमलत,स्वेद कण भालके ॥ अंग अंगन लटक मटक भृंगन भ्रोंह, पटक पटताल कोमल चरण चालके । चमक चल कुंडलन दमक दशनावली, विविध विद्युत भाव, लोचन विशालके।। बजत अनुसार द्रिम द्रिम मृदंग निनाद, झमक झंकार, कटि किंकिणिजालके। तरल ताटक तड़ित, नील नव जलद में, यौं विराजत प्रिया, पास गोपालके ॥ युवति जन यूथ अगणित, बदन चंद्रमा, चंद्र भयौ मंद उद्योत तिहिं कालके । मुदित अनुराग वश, राग रागिणी, तान गान गत गर्व, रंभादि सुर बालके।। गगनचर सघन रास मगन बरषत फूल, बार डारत रत्न जतन भर थालके । एक रसना गदाधर न वर्णत बनै, चरित्र अद्भुत कुँवर गिरिधरन लालके।। 

Теги:

Krishna radha

Оцените это изображение:

• Создать электронную карточку

Краткая ссылка на эту страницу:

• Сообщить о нежелательном содержании